ಸುರಕ್ಷಿತ ಪ್ರವಾಸೋದ್ಯಮಕ್ಕೆಕ್ಕಾಗಿ ಮೇಘಾಲಯದಲ್ಲಿ ಟೂರಿಸ್ಟ್ ಬಡ್ಡೀಸ್!

ಮೇಘಾಲಯ (Meghalaya) ಸರಕಾರವು ಪ್ರವಾಸಿಗರ ಸುರಕ್ಷತೆ, ಸ್ಥಳೀಯ ಸಹಾಯ ಮತ್ತು ಜವಾಬ್ದಾರಿಯುತ ಪ್ರವಾಸೋದ್ಯಮವನ್ನು ಉತ್ತೇಜಿಸಲು 'ಟೂರಿಸ್ಟ್ ಬಡ್ಡೀಸ್' (Tourist Buddies) ಎಂಬ ಹೊಸ ಯೋಜನೆಯನ್ನು ಆರಂಭಿಸಿದೆ. ಈ ಯೋಜನೆ ಮೊದಲ ಹಂತದಲ್ಲಿ ರಾಜ್ಯದ ಪ್ರಮುಖ ಪ್ರವಾಸಿ ತಾಣಗಳಾದ ಶಿಲ್ಲಾಂಗ್, ಸೋಹ್ರಾ (ಚೆರಾಪುಂಜಿ), ಡಾವ್ಕಿ ಮತ್ತು ಮಾವ್ಲಿನ್ನಾಂಗ್‌ನಲ್ಲಿ ಜಾರಿಗೆ ಬಂದಿದೆ.

ಈ ಯೋಜನೆಯು ಮೇಘಾಲಯದ ಪ್ರವಾಸೋದ್ಯಮ ಇಲಾಖೆ ಮತ್ತು ರಾಜ್ಯ ಕೌಶಲ್ಯಾಭಿವೃದ್ಧಿ ಸಂಸ್ಥೆಯ (MSSDS) ಸಹಯೋಗದಲ್ಲಿ ರೂಪುಗೊಂಡಿದೆ. ಸ್ಥಳೀಯ ಯುವಕರನ್ನು ಪ್ರವಾಸೋದ್ಯಮ ರಾಯಭಾರಿಗಳಾಗಿ ತರಬೇತಿ ನೀಡಲಾಗುತ್ತಿದೆ, ಅವರು ಪ್ರಮುಖ ಪ್ರವಾಸಿ ಸ್ಥಳಗಳಲ್ಲಿ ಪ್ರವಾಸಿಗರಿಗೆ ಸಹಾಯ, ಸುರಕ್ಷತೆ ಮತ್ತು ಸಾಂಸ್ಕೃತಿಕ ಮಾಹಿತಿಯನ್ನು ಒದಗಿಸುತ್ತಾರೆ.

ಟೂರಿಸ್ಟ್ ಬಡ್ಡೀಸ್‌ಗಳು ಆತಿಥ್ಯ, ಪ್ರಥಮ ಚಿಕಿತ್ಸೆ, ಸುರಕ್ಷತಾ ಪ್ರೋಟೋಕಾಲ್‌ಗಳು, ಸಂವಹನ ಮತ್ತು ಸಾಂಸ್ಕೃತಿಕ ಜಾಗೃತಿ ವಿಷಯಗಳಲ್ಲಿ ವೃತ್ತಿಪರ ತರಬೇತಿಯನ್ನು ಪಡೆಯುತ್ತಾರೆ. ಅವರು ಪ್ರವಾಸಿಗರಿಗೆ ಮಾರ್ಗದರ್ಶನ ನೀಡುವಷ್ಟೇ ಅಲ್ಲದೆ, ಸ್ಥಳೀಯ ಅಧಿಕಾರಿಗಳೊಂದಿಗೆ ಸಂಪರ್ಕ ಸಾಧಿಸಿ ತುರ್ತು ಪರಿಸ್ಥಿತಿಗಳಲ್ಲಿ ಸಹಾಯ ಮಾಡುತ್ತಾರೆ.

ಈ ಯೋಜನೆಯು ಸ್ಥಳೀಯ ಯುವಕರಿಗೆ ಉದ್ಯೋಗಾವಕಾಶಗಳನ್ನು ಒದಗಿಸುವ ಮೂಲಕ ಸಮುದಾಯದ ಭಾಗವಹಿಸುವಿಕೆಯನ್ನು ಉತ್ತೇಜಿಸುತ್ತದೆ. ಟೂರಿಸ್ಟ್ ಬಡ್ಡೀಸ್‌ ಪ್ರವಾಸಿಗರಿಗೆ ಸ್ಥಳೀಯ ನಿಯಮಗಳು ಮತ್ತು ಪರಿಸರ ಸಂರಕ್ಷಣಾ ಮಾನದಂಡಗಳ ಬಗ್ಗೆ ಮಾಹಿತಿ ನೀಡುತ್ತಾರೆ, ತುರ್ತು ಪರಿಸ್ಥಿತಿಗಳಲ್ಲಿ ಸಹಾಯ ಮಾಡುತ್ತಾರೆ ಮತ್ತು ಪ್ರವಾಸಿಗರ ವರ್ತನೆಗಳನ್ನು ನೋಟವಿಡುತ್ತಾರೆ.

ಮೇಘಾಲಯದ ಪ್ರವಾಸೋದ್ಯಮ ಇಲಾಖೆ ಈ ಯೋಜನೆಯ ಮೂಲಕ ಪ್ರವಾಸಿಗರಿಗೆ ಸುರಕ್ಷಿತ, ಮಾಹಿತಿ ಸಂಪನ್ನ ಮತ್ತು ಸ್ಮರಣೀಯ ಅನುಭವವನ್ನು ಒದಗಿಸಲು ಉದ್ದೇಶಿಸಿದೆ. ಇದು ರಾಜ್ಯದ ಪ್ರವಾಸೋದ್ಯಮವನ್ನು ಜವಾಬ್ದಾರಿಯುತ ಮತ್ತು ಸಮುದಾಯ ಆಧಾರಿತವಾಗಿ ರೂಪಿಸಲು ಮಹತ್ವದ ಹೆಜ್ಜೆಯಾಗಿದೆ.