ಬೆಂಗಳೂರನ್ನು ಸ್ಮಾರ್ಟ್ ಸಿಟಿ ಮಾಡಲು ಜಪಾನ್ ಬೆಂಬಲ!
ಭಾರತ ಮತ್ತು ಜಪಾನ್ ನಡುವಿನ ಈ ಪಾಲುದಾರಿಕೆಯು ಕೇವಲ ಒಂದು ನಗರಕ್ಕೆ ಸೀಮಿತವಾಗಿಲ್ಲ, ಇದು ಇಡೀ ಏಷ್ಯಾದ ತಾಂತ್ರಿಕ ಭೂಪಟದಲ್ಲಿ ಬೆಂಗಳೂರನ್ನು ಅಗ್ರಸ್ಥಾನದಲ್ಲಿ ನಿಲ್ಲಿಸುವ ಮುನ್ಸೂಚನೆ.
ಜಪಾನ್ ಇಂಟರ್ನ್ಯಾಷನಲ್ ಕೋಆಪರೇಷನ್ ಏಜೆನ್ಸಿ (JICA) 'ನಮ್ಮ ಮೆಟ್ರೋ' ಯೋಜನೆಯಲ್ಲಿ ದೊಡ್ಡ ಮಟ್ಟದ ಹೂಡಿಕೆ ಮಾಡಿದೆ. ಬೆಂಗಳೂರನ್ನು ಸ್ಮಾರ್ಟ್ ಸಿಟಿಯನ್ನಾಗಿ ಮಾಡುವ ನಿಟ್ಟಿನಲ್ಲಿ ಜಪಾನ್ ತನ್ನ ಅತ್ಯಾಧುನಿಕ ತಂತ್ರಜ್ಞಾನವನ್ನು ಹಂಚಿಕೊಳ್ಳುತ್ತಿದೆ. ಇಂಧನ ಉಳಿತಾಯ, ಸ್ಮಾರ್ಟ್ ಟ್ರಾಫಿಕ್ ಮ್ಯಾನೇಜ್ಮೆಂಟ್ ಮತ್ತು ಸುಸ್ಥಿರ ತ್ಯಾಜ್ಯ ನಿರ್ವಹಣೆ ಈ ಸಹಯೋಗದ ಪ್ರಮುಖ ಅಂಗಗಳು. ಇದಕ್ಕಾಗಿ ಸುಮಾರು 3,717 ಕೋಟಿ ರುಪಾಯಿಗಳಷ್ಟು ಹೂಡಿಕೆ ಮಾಡುತ್ತಿದೆ.
ಇದನ್ನೂ ಒದಿ: ಜಪಾನಿ ಜನರ ಸಾಡೋ ಚಹಾ ಸಮಾರಂಭ
ಜಪಾನಿನ ಹಲವಾರು ಕಂಪನಿಗಳು ಬೆಂಗಳೂರಿನಲ್ಲಿ ತಮ್ಮ ಕಚೇರಿಗಳನ್ನು ತೆರೆಯುತ್ತಿರುವುದರಿಂದ, ಅಂತಾರಾಷ್ಟ್ರೀಯ ಪ್ರಯಾಣಿಕರ ಸಂಖ್ಯೆ ಗಣನೀಯವಾಗಿ ಹೆಚ್ಚಾಗಿದೆ. ಡಿಜಿಟಲ್ ಪಾವತಿ ವ್ಯವಸ್ಥೆಗಳು, ಸ್ಮಾರ್ಟ್ ಮಾಹಿತಿ ಕೇಂದ್ರಗಳು ಮತ್ತು ತಡೆರಹಿತ ಇಂಟರ್ನೆಟ್ ಸಂಪರ್ಕವು ವಿದೇಶಿ ಪ್ರವಾಸಿಗರಿಗೆ ನಗರವನ್ನು ಅನ್ವೇಷಿಸಲು ಸುಲಭವಾಗಿಸಿದೆ.