ಕಾಳಿ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ವಿಡಿಯೋ ಚಿತ್ರೀಕರಣ: ಯೂಟ್ಯೂಬರ್ ವಿರುದ್ಧ FIR ದಾಖಲು

ಕಾಳಿ ಹುಲಿ ಅಭಯಾರಣ್ಯದ ಕುಂಬರವಾಡದಲ್ಲಿನ ಪಾಥೆಗುಡಿಯು ಸಂರಕ್ಷಿತ ಅಭಯಾರಣ್ಯವಾಗಿದೆ. ಇಲ್ಲಿ ಆಗಾಗ ಹುಲಿಗಳ ಓಡಾಟಗಳು ಕಂಡುಬರುತ್ತವೆ. ನಿಯಮಗಳ ಪ್ರಕಾರ ಈ ಸ್ಥಳವು ಪ್ರವಾಸೋದ್ಯಮ ಪಟ್ಟಿಯಲ್ಲಿ ಸೇರುವುದಿಲ್ಲ. ಇದೇ ಅರಣ್ಯ ಪ್ರದೇಶದಲ್ಲಿ ಹಳ್ಳಿಗಳೂ ಇದ್ದು, ಮುನ್ನೆಚ್ಚರಿಕೆಯ ಕ್ರಮವಾಗಿ ಅಲ್ಲಿನ ನಿವಾಸಿಗಳನ್ನೂ ಆಗಾಗ್ಗೆ ಪರಿಶೀಲಿಸಲಾಗುತ್ತದೆ. ಆದರೆ ಕಳೆದ ನವೆಂಬರ್‌ನಲ್ಲಿ @sg_malenadu ಎಂಬ ಹೆಸರಿನ ಯೂಟ್ಯೂಬರ್ ಮತ್ತು ಇನ್ಸ್ಟಾಗ್ರಾಮ್‌ ಪೇಜ್‌ ಖಾತೆದಾರರು ಅನುಮತಿ ಇಲ್ಲದೆ, ನಿಯಮಗಳನ್ನು ಮೀರಿದಕ್ಕಾಗಿ ಅರಣ್ಯ ಇಲಾಖೆ ಎಫ್‌ಐಆರ್‌ ದಾಖಲಿಸಿದೆ.

ಯೂಟ್ಯೂಬರ್‌ ಅನುಮತಿ ಇಲ್ಲದೇ ನಿಯಮ ಮೀರಿ ಹುಲಿ ಅಭಯಾರಣ್ಯದಲ್ಲಿಯೇ ಉಳಿದುಕೊಂಡಿದ್ದಲ್ಲದೆ, ಡ್ರೋನ್ ಮತ್ತು ವಿಡಿಯೋ ಕ್ಯಾಮೆರಾವನ್ನು ಬಳಸಿಕೊಂಡು ಚಿತ್ರೀಕರಿಸಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು.

ಇದಕ್ಕಾಗಿ ನವೆಂಬರ್ 5, 2025ರಂದು ಕಾಳಿ ಹುಲಿ ಅಭಯಾರಣ್ಯಕ್ಕೆ ಬಂದು ಸುತ್ತಾಡಿದ್ದಾರೆ. ದಿವಂಗತ ನಟ ಪುನೀತ್ ರಾಜ್‌ಕುಮಾರ್ ಅವರು ಗಂಧದ ಗುಡಿ ಡಾಕ್ಯುಮೆಂಟರಿ ಶೂಟಿಂಗ್‌ನಲ್ಲಿ ಅಭಯಾರಣ್ಯದೊಳಗೆ ಬಳಸುತ್ತಿದ್ದ ಬೈಕ್‌ನಲ್ಲಿ ಸವಾರಿ ಮಾಡಿದ್ದರು. ನವೆಂಬರ್ 21, 2025 ರಂದು ಒಂದು ಚಲನಚಿತ್ರವನ್ನು ಚಿತ್ರೀಕರಿಸಿ ಸಾಮಾಜಿಕ ಮಾಧ್ಯಮದಲ್ಲಿ ಅಪ್‌ಲೋಡ್ ಮಾಡಿದ್ದಾರೆ.

ಇದನ್ನು ಇಲಾಖೆ ಪರಿಶೀಲಿಸಿ ಡಿಸೆಂಬರ್ 2 ರಂದು ದೂರು ದಾಖಲಿಸಿತ್ತು. ನಂತರ ವಿವರಣೆ ಕೇಳಿ ಯೂಟ್ಯೂಬರ್‌ಗೆ ನೋಟೀಸ್ ನೀಡಿದೆ. ನೋಟೀಸ್‌ಗೆ ಪ್ರತಿಕ್ರಿಯೆ ನೀಡದ ಕಾರಣ, ವನ್ಯಜೀವಿ ಕಾಯ್ದೆಯ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ ಎಂದು ಎಫ್‌ಐಆರ್‌ನಲ್ಲಿ ಗುರುತಿಸಲಾಗಿದೆ. ಅವರನ್ನು ಕುಂಬಾರವಾಡ ರೇಂಜ್ ಫಾರೆಸ್ಟ್ ಆಫೀಸ್‌ಗೆ ಬಂದು ವಿವರಣೆ ನೀಡಲು ಕೇಳಲಾಯಿತು.

ಕುಂಬಾರವಾಡ ಆರ್‌ಎಫ್‌ಒ ಗಿರೀಶ್ ಚೌಗಲೆ ಈ ಕುರಿತು ಪ್ರತಿಕ್ರಿಯೆ ನೀಡಿದ್ದು, ಯೂಟ್ಯೂಬರ್‌ ತಮ್ಮ ಮುಂದೆ ಹಾಜರಾಗಿ ವಿವರಣೆ ನೀಡಿದ್ದಾರೆ. ಇಲಾಖೆಯು ಡ್ರೋನ್ ಮತ್ತು ವಿಡಿಯೋ ಕ್ಯಾಮೆರಾವನ್ನು ನೀಡುವಂತೆ ಹೇಳಿದೆ. ಇದರಿಂದ ಸಂಪೂರ್ಣವಾಗಿ ಪರಿಶೀಲಿಸಿ, ವಿಡಿಯೋಗಳನ್ನು ಅಳಿಸಬಹುದು ಎಂದು ಹೇಳಿದರು.