ಶ್ರೀನಗರದಲ್ಲಿ ಏಷ್ಯಾದ ಅತಿದೊಡ್ಡ ಟುಲಿಪ್ ಗಾರ್ಡನ್

ಶ್ರೀನಗರದಲ್ಲಿರುವ ಏಷ್ಯಾದ ಅತಿದೊಡ್ಡ ಟುಲಿಪ್ ತೋಟವಾದ 'ಇಂದಿರಾ ಗಾಂಧಿ ಮೆಮೋರಿಯಲ್ ಟುಲಿಪ್ ಗಾರ್ಡನ್' ಇಂದಿನಿಂದ (ಮಾರ್ಚ್‌ 16) ಪ್ರವಾಸಿಗರಿಗೆ ಮುಕ್ತವಾಗಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಕಾಶ್ಮೀರದ ಫ್ಲೋರಿಕಲ್ಚರ್ ಇಲಾಖೆಯ ನಿರ್ದೇಶಕಿ ಮಾಥುರಾ ಮಸೂಮ್ ಮಾತನಾಡಿ, "ಟುಲಿಪ್ ಹೂಗಳು ಈಗ ಅರಳುತ್ತಿವೆಯಾದ್ದರಿಂದ ತೋಟವನ್ನು ಸಾರ್ವಜನಿಕರಿಗೆ ತೆರೆಯಲಾಗಿದೆ. ದಾಲ್ ಸರೋವರದ ಸೌಂದರ್ಯವನ್ನು ಪ್ರತಿಬಿಂಬಿಸುವ, ಜಬರ್ವಾನ್ ಪರ್ವತ ಶ್ರೇಣಿಯ ತಪ್ಪಲಿನಲ್ಲಿರುವ ಈ ಸುಂದರ ತೋಟವು ಪ್ರವಾಸಿಗರನ್ನು ಸ್ವಾಗತಿಸಲು ಸಂಪೂರ್ಣವಾಗಿ ಸಿದ್ಧಗೊಂಡಿದೆ.

ಪ್ರವಾಸೋದ್ಯಮದ ಹಾದಿ ಬದಲಿಸುತ್ತಿರುವ ಸಣ್ಣ ನಗರಗಳು

ಅಧಿಕಾರಿಗಳ ಮಾಹಿತಿಯಂತೆ, ಈ ವರ್ಷ ತೋಟದಲ್ಲಿ ಸುಮಾರು 18 ಲಕ್ಷ ಟುಲಿಪ್ ಹೂಗಳನ್ನು ಪ್ರದರ್ಶಿಸಲಾಗುವುದು. ಸುಮಾರು 70 ರಿಂದ 75 ವಿವಿಧ ತಳಿಯ ಟುಲಿಪ್‌ಗಳನ್ನು ಇಲ್ಲಿ ಕಾಣಬಹುದು. ಪ್ರವಾಸಿಗರಿಗೆ ಹೂಗಳ ಕಣ್ಮನ ಸೆಳೆಯುವ ನೋಟವನ್ನು ನೀಡಲು ಈ ಬಾರಿ ಹೂವಿನ ಹಾಸುಗಳನ್ನು ಹೆಚ್ಚಿಸಲಾಗಿದೆ.