ಏರ್ಬಸ್ 'ಬರ್ಡ್ ಆಫ್ ಪ್ರೇ'
ಇದು ಒಂದು ಪರಿಕಲ್ಪನೆಯ ಮಾದರಿಯಾಗಿದ್ದು, ಇದರ ತಂತ್ರಜ್ಞಾನಗಳನ್ನು ಮುಂದಿನ ದಿನಗಳಲ್ಲಿ ವಾಣಿಜ್ಯ ವಿಮಾನಗಳಲ್ಲಿ ಮತ್ತು ರಕ್ಷಣಾ ವಲಯದ ಸಾಧನಗಳಲ್ಲಿ ಅಳವಡಿಸಿಕೊಳ್ಳುವ ಸಾಧ್ಯತೆಯಿದೆ.
ಏರ್ಬಸ್ ಸಂಸ್ಥೆಯು 'ಬರ್ಡ್ ಆಫ್ ಪ್ರೇ' ಎಂಬ ವಿನೂತನ ಮತ್ತು ಸೌಂದರ್ಯಾತ್ಮಕವಾಗಿ ವಿನ್ಯಾಸಗೊಳಿಸಲಾದ ಪರಿಕಲ್ಪನೆಯ ವಿಮಾನವನ್ನು ಪರಿಚಯಿಸಿದೆ. ಇದು ವಿಮಾನಯಾನದ ಭವಿಷ್ಯವು ಹೇಗೆ ಪ್ರಕೃತಿಯಿಂದ ಸ್ಫೂರ್ತಿ ಪಡೆಯಬಹುದು ಎಂಬುದಕ್ಕೆ ಅತ್ಯುತ್ತಮ ಉದಾಹರಣೆ.
ಈ ವಿಮಾನದ ಹೆಸರೇ ಸೂಚಿಸುವಂತೆ, ಇದು ಹದ್ದು ಅಥವಾ ಗಿಡುಗದಂಥ ಶಿಕಾರಿ ಪಕ್ಷಿಗಳಿಂದ ಪ್ರೇರಿತವಾಗಿರುವಂಥದ್ದು. ಇದರ ರೆಕ್ಕೆಗಳು ಮತ್ತು ಬಾಲದ ವಿನ್ಯಾಸವು ಹಕ್ಕಿಯ ಗರಿಗಳಂತೆಯೇ ಇರುತ್ತವೆ. ಈ ಗರಿಗಳನ್ನು ಪ್ರತ್ಯೇಕವಾಗಿ ನಿಯಂತ್ರಿಸುವ ಮೂಲಕ ವಿಮಾನದ ಚಲನೆಯನ್ನು ಹೆಚ್ಚು ಸುಗಮಗೊಳಿಸಬಹುದು.
ಇದನ್ನೂ ಓದಿ: ನಾಸಿಕ್ ಕುಂಭಮೇಳಕ್ಕೆ ಹೆಲಿ-ಟೂರಿಸಂ ಸರ್ಕ್ಯೂಟ್
ಹೈಬ್ರಿಡ್-ಎಲೆಕ್ಟ್ರಿಕ್ ಟರ್ಬೊ-ಪ್ರೊಪೆಲ್ಲರ್ ವಿನ್ಯಾಸವನ್ನು ಹೊಂದಿರುವ ಇದು ಇಂಧನ ಬಳಕೆಯನ್ನು ಗಣನೀಯವಾಗಿ ಕಡಿಮೆ ಮಾಡುತ್ತದೆ.
ಇತ್ತೀಚಿನ ಮಾಹಿತಿಯ ಪ್ರಕಾರ, ಏರ್ಬಸ್ ಈ ತಂತ್ರಜ್ಞಾನವನ್ನು 'ಇಂಟರ್ಸೆಪ್ಟರ್ ಡ್ರೋನ್'ಗಳಿಗೂ ಅನ್ವಯಿಸುತ್ತಿದೆ. ಇದು ಕಡಿಮೆ ವೆಚ್ಚದ, ಸ್ವಯಂಚಾಲಿತ ವ್ಯವಸ್ಥೆಯಾಗಿದ್ದು, ಶತ್ರು ದೇಶಗಳ ಡ್ರೋನ್ ದಾಳಿಯನ್ನು ತಡೆಯಲು ಮತ್ತು ವಾಯುಪ್ರದೇಶದ ಸುರಕ್ಷತೆಯನ್ನು ಕಾಪಾಡಲು ಸಹಕಾರಿಯಾಗಲಿದೆ.
