ತಲೆಕೆಳಗಾಗಿ ಚಲಿಸುವಂತೆ ಕಾಣುವ ಜಪಾನ್‌ನ ವಿಚಿತ್ರ ರೈಲು!

ಸಾಮಾನ್ಯ ರೈಲುಗಳಂತೆ ಹಳಿಗಳ ಮೇಲೆ ಚಲಿಸುವ ಬದಲು ಈ ಮೊನೊರೈಲ್ ಮೇಲ್ಭಾಗದಲ್ಲಿರುವ ವ್ಯವಸ್ಥೆಗೆ ನೇತಾಡಿಕೊಂಡು ಚಲಿಸುತ್ತದೆ. ಇದರಿಂದ ಹೊರಗಿನಿಂದ ನೋಡಿದವರಿಗೆ ರೈಲು ತಲೆಕೆಳಗಾಗಿ ಸಾಗುತ್ತಿರುವಂತೆ ಭಾಸವಾಗುತ್ತದೆ. ರೈಲಿನ ಕೆಳಭಾಗದಲ್ಲಿ ಸಾಮಾನ್ಯ ಹಳಿಗಳು ಕಾಣಿಸದೆ ವಿಶೇಷ ಹಸಿರು ಮಾರ್ಗ ಮಾತ್ರ ಗೋಚರಿಸುತ್ತದೆ.

ರೈಲಿನ ಒಳಭಾಗದ ಮತ್ತೊಂದು ವಿಶೇಷವೆಂದರೆ ಪಾರದರ್ಶಕ ನೆಲ. ಇದರ ಮೂಲಕ ಕೆಳಗಿನ ರಸ್ತೆಯಲ್ಲಿ ಸಂಚರಿಸುವ ವಾಹನಗಳನ್ನು ನೋಡಬಹುದಾಗಿದೆ. ಇದರಿಂದ ಪ್ರಯಾಣಿಕರಿಗೆ ನೆಲವೇ ಇಲ್ಲದಂಥ ವಿಚಿತ್ರ ಅನುಭವ ಉಂಟಾಗುತ್ತದೆ. ಮೊದಲಿಗೆ ಇದು ಇತ್ತೀಚಿನ ಭವಿಷ್ಯದ ತಂತ್ರಜ್ಞಾನ ಎಂದು ಭಾವಿಸಿದ್ದ ಕ್ರಿಯೇಟರ್‌ಗೆ, ಈ ಸಸ್ಪೆಂಡೆಡ್ ರೈಲು ಸುಮಾರು ಐದು ದಶಕಗಳಿಂದ ಕಾರ್ಯಾಚರಿಸುತ್ತಿದೆ ಎಂಬುದು ತಿಳಿದು ಅಚ್ಚರಿಯಾಗಿದೆ. 1988ರಲ್ಲೇ ಆರಂಭವಾದ ಈ ಮೊನೊರೈಲ್ ಜಪಾನ್‌ನ ತಾಂತ್ರಿಕ ಸಾಮರ್ಥ್ಯಕ್ಕೆ ವಿಶಿಷ್ಟ ಉದಾಹರಣೆಯಾಗಿದೆ.