ಸೌದಿ ಅರೇಬಿಯಾದ ಹೊಸ ‘ಪ್ಯಾಕೇಜ್ ವೀಸಾ’
ಆರಂಭಿಕ ಹಂತದಲ್ಲಿ ಈ ಯೋಜನೆಯನ್ನು ಭಾರತ, ಪಾಕಿಸ್ತಾನ, ಬಾಂಗ್ಲಾದೇಶ, ಇಂಡೋನೇಷ್ಯಾ, ಜೋರ್ಡಾನ್, ಈಜಿಪ್ಟ್ ಮತ್ತು ಮೆಕ್ಸಿಕೋ ಸೇರಿದಂತೆ ಆಯ್ದ ದೇಶಗಳಲ್ಲಿ ಜಾರಿಗೆ ತರಲಾಗಿದೆ. ನಂತರ ಇದನ್ನು ಇತರ ದೇಶಗಳಿಗೂ ವಿಸ್ತರಿಸುವ ಯೋಜನೆ ಇದೆ.
ಪ್ರವಾಸೋದ್ಯಮಕ್ಕೆ ಮತ್ತಷ್ಟು ಉತ್ತೇಜನೆ ನೀಡಲು ಸೌದಿ ಅರೇಬಿಯಾ ಹೊಸ ‘ಪ್ಯಾಕೇಜ್ ವೀಸಾ’ (Package Visa) ವ್ಯವಸ್ಥೆಯನ್ನು ಆರಂಭಿಸಿದೆ. ಈ ಹೊಸ ಡಿಜಿಟಲ್ ಸೇವೆಯ ಮೂಲಕ ಪ್ರವಾಸಿಗರು ವಿಮಾನ ಟಿಕೆಟ್, ಹೊಟೇಲ್ ವಾಸ್ತವ್ಯ, ಪ್ರವಾಸಿ ವೀಸಾ ಮತ್ತು ಪ್ರವಾಸಿ ಅನುಭವಗಳನ್ನು ಒಂದೇ ಬುಕ್ಕಿಂಗ್ನಲ್ಲಿ ಪಡೆಯಬಹುದಾಗಿದೆ.
ಆರಂಭಿಕ ಹಂತದಲ್ಲಿ ಈ ಯೋಜನೆಯನ್ನು ಭಾರತ, ಪಾಕಿಸ್ತಾನ, ಬಾಂಗ್ಲಾದೇಶ, ಇಂಡೋನೇಷ್ಯಾ, ಜೋರ್ಡಾನ್, ಈಜಿಪ್ಟ್ ಮತ್ತು ಮೆಕ್ಸಿಕೋ ಸೇರಿದಂತೆ ಆಯ್ದ ದೇಶಗಳಲ್ಲಿ ಜಾರಿಗೆ ತರಲಾಗಿದೆ. ನಂತರ ಇದನ್ನು ಇತರ ದೇಶಗಳಿಗೂ ವಿಸ್ತರಿಸುವ ಯೋಜನೆ ಇದೆ.
ಈ ಸೇವೆಯನ್ನು ಅಧಿಕೃತವಾದ ಪ್ರವಾಸ ಸಂಸ್ಥೆಗಳ ಮೂಲಕ ಸಂಪೂರ್ಣ ಡಿಜಿಟಲ್ ವಿಧಾನದಲ್ಲಿ ಒದಗಿಸಲಾಗುತ್ತಿದ್ದು , ಪ್ರವಾಸಿಗರು ಪ್ರತ್ಯೇಕವಾಗಿ ವೀಸಾ, ಹೊಟೇಲ್ ಮತ್ತು ವಿಮಾನ ಬುಕ್ ಮಾಡುವ ಅಗತ್ಯವಿಲ್ಲ. ಇದರಿಂದ ವಿದೇಶಿ ಪ್ರವಾಸಿಗರಿಗೆ ಸುಲಭ ಮತ್ತು ವೇಗವಾದ ಪ್ರಯಾಣ ಅನುಭವ ಸಿಗಲಿದೆ. ಈ ಹೊಸ ಕ್ರಮವು ಸೌದಿ ಅರೇಬಿಯಾದ ವಿಷನ್ 2030 ಯೋಜನೆಯ ಭಾಗವಾಗಿದ್ದು, ತೈಲ ಆಧಾರಿತ ಆರ್ಥಿಕತೆಯಿಂದ ಹೊರಬಂದು ಪ್ರವಾಸೋದ್ಯಮವನ್ನು ಪ್ರಮುಖ ಆದಾಯ ಮೂಲವನ್ನಾಗಿ ಅಭಿವೃದ್ಧಿಪಡಿಸುವ ಉದ್ದೇಶ ಹೊಂದಿದೆ.
ಪ್ಯಾಕೇಜ್ನಲ್ಲಿ ಏನೆಲ್ಲಾ ಲಭ್ಯ?
ಈ ಪ್ಯಾಕೇಜ್ಗಳು 4,000 ಸೌದಿ ರಿಯಾಲ್ (SAR) ನಿಂದ ಆರಂಭವಾಗುತ್ತಿದ್ದು, ಇದರಲ್ಲಿ ವಿಮಾನ ಪ್ರಯಾಣ, ಹೊಟೇಲ್ ವಾಸ್ತವ್ಯ, ಪ್ರವಾಸಿ ವೀಸಾ ಪ್ರಕ್ರಿಯೆ, ಆಯ್ದ ಪ್ರವಾಸಿ ಅನುಭವಗಳು (Guided Tours, ಸಾಂಸ್ಕೃತಿಕ ಕಾರ್ಯಕ್ರಮಗಳು) ಸೇರಿವೆ.