ಹೈದರಾಬಾದ್–ಬ್ಯಾಂಕಾಕ್ ವಿಮಾನ ಸೇವೆಯೊಂದಿಗೆ ನೋಕ್ ಏರ್ ಭಾರತಕ್ಕೆ ಮರಳಿದೆ

ಥಾಯ್ಲೆಂಡ್‌ನ ನೋಕ್ ಏರ್ ವಿಮಾನಯಾನ ಸಂಸ್ಥೆ ಅಂತಾರಾಷ್ಟ್ರೀಯ ಸೇವೆಗಳನ್ನು ವಿಸ್ತರಿಸುವ ಭಾಗವಾಗಿ ಭಾರತಕ್ಕೆ ಮತ್ತೆ ಪ್ರವೇಶಿಸುತ್ತಿದೆ. ಹೈದರಾಬಾದ್‌ನಿಂದ ಬ್ಯಾಂಕಾಕ್‌ನ ಡಾನ್ ಮುವಾಂಗ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ (DMK) ನೇರ ವಿಮಾನ ಸೇವೆ ಆರಂಭಿಸಲು ಸಂಸ್ಥೆ ಮುಂದಾಗಿದೆ. ಈ ಸೇವೆ 2026ರ ಅಕ್ಟೋಬರ್ 14/15ರಿಂದ ಆರಂಭವಾಗುವ ನಿರೀಕ್ಷೆಯಿದ್ದು, ವಾರಕ್ಕೆ ನಾಲ್ಕು ಬಾರಿ ವಿಮಾನಗಳು ಸಂಚರಿಸುವ ವೇಳಾಪಟ್ಟಿ ಪ್ರಕಟವಾಗಿದೆ.

ಈ ಹೊಸ ಸಂಪರ್ಕದಿಂದ ತೆಲಂಗಾಣದ ಹೈದರಾಬಾದ್ ನಗರವು ಥಾಯ್ಲೆಂಡ್ ಪ್ರವಾಸಕ್ಕೆ ಪ್ರಮುಖ ಪ್ರವೇಶದ್ವಾರವಾಗುವ ಸಾಧ್ಯತೆ ಇದೆ. ಪ್ರವಾಸಿಗರು, ಉದ್ಯಮಿಗಳು ಹಾಗೂ ವಿದೇಶದಲ್ಲಿರುವ ಕುಟುಂಬದವರನ್ನು ಮತ್ತು ಸ್ನೇಹಿತರನ್ನು ಭೇಟಿ ಮಾಡುವ ಪ್ರಯಾಣಿಕರು (VFR) ಈ ಸೇವೆಯ ಪ್ರಮುಖ ಗುರಿಯಾಗಿದ್ದಾರೆ. ಬ್ಯಾಂಕಾಕ್ ತಲುಪಿದ ನಂತರ ಥಾಯ್ಲೆಂಡ್‌ನ ವಿವಿಧ ಪ್ರವಾಸಿ ತಾಣಗಳಿಗೆ ಮುಂದಿನ ಸಂಪರ್ಕ ಪಡೆಯಲು ಪ್ರಯಾಣಿಕರಿಗೆ ಅನುಕೂಲವಾಗಲಿದೆ.

ಭಾರತದಲ್ಲಿ ನೋಕ್ ಏರ್‌ನ ಸೇವೆಗೆ (DEX) ಗ್ರೂಪ್ ಪ್ರಮುಖ ಬೆಂಬಲ ನೀಡುತ್ತಿದ್ದು, ಸಂಸ್ಥೆಯು ಭಾರತದಲ್ಲಿ ನೋಕ್ ಏರ್‌ನ ಪ್ರತಿನಿಧಿಯಾಗಿ ಕಾರ್ಯನಿರ್ವಹಿಸುತ್ತಿದೆ. (DEX) ಗ್ರೂಪ್ ತನ್ನ ವ್ಯಾಪಕ ಟ್ರಾವೆಲ್ ಏಜೆನ್ಸಿ ಜಾಲದ ಮೂಲಕ ಈ ಸೇವೆಯನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಉತ್ತೇಜಿಸಲು ಸಹಕರಿಸುತ್ತಿದೆ.

ಈ ನೇರ ವಿಮಾನ ಸೇವೆಯಿಂದ ಹೈದರಾಬಾದ್ ಹಾಗೂ ಥಾಯ್ಲೆಂಡ್ ನಡುವಿನ ಪ್ರವಾಸೋದ್ಯಮ, ವ್ಯಾಪಾರ ಮತ್ತು ಜನರ ಸಂಪರ್ಕ ಮತ್ತಷ್ಟು ಬಲಗೊಳ್ಳುವ ನಿರೀಕ್ಷೆಯಿದೆ. ವಿಶೇಷವಾಗಿ ಥಾಯ್ಲೆಂಡ್ ಪ್ರವಾಸಕ್ಕೆ ತೆರಳುವ ಭಾರತೀಯರಿಗೆ ನೇರ ವಿಮಾನ ಸಂಪರ್ಕವು ಸಮಯ ಮತ್ತು ಪ್ರಯಾಣದ ಅನುಕೂಲವನ್ನು ಹೆಚ್ಚಿಸಲಿದೆ.

ಥೈಲ್ಯಾಂಡ್ ಪ್ರವಾಸಿಗರಿಗೆ ಸಿಹಿಸುದ್ದಿ ನೀಡಿರುವ ನೋಕ್ ಏರ್, ಹೈದರಾಬಾದ್–ಬ್ಯಾಂಕಾಕ್ ನಡುವೆ ಹೊಸ ನೇರ ವಿಮಾನ ಸೇವೆ ಆರಂಭಿಸಿದೆ.ಇದರಿಂದ ಪ್ರವಾಸ, ವ್ಯಾಪಾರ ಹಾಗೂ ಕುಟುಂಬ ಭೇಟಿ ಪ್ರಯಾಣಕ್ಕೆ ವೇಗದ ಸಂಪರ್ಕ ದೊರೆಯಲಿದೆ.